Plantun de Prouvènço

Pèr coumpara dos planto d'encò nostre

Vulpia membranacea & Azolla filiculoides

Vulpia membranacea

Poaceae Graminaceae

Noms en français : Vulpie à longues arêtes, Vulpie membraneuse.

Descripcioun :
Aquesto co-de-reinard trachis dins li sablo en ribo de mar o de l'en dedins. L'enflourejado de 3 à 8 cm sort bèn de la guèno au contro de Vulpia fasciculata. La glumo d'en bas èi di proun pichouneto (fotò), de 0,2 à 3 mm au contro de la d'en aut. La palea fai 4,5 à 7 mm e l'ouvàri a ges de péu. Poudèn apoundre tambèn que la palea èi peludo sus soun esquino. Coumpara emé la co-de-reinard-à-uno-glumo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Vulpia
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 8 cm
Flourido : Printèms - Estiéu

Sòu : Si
Autour basso e auto : 0 à 400 m
Aparado : Noun
Mai à jun

Liò : Sablo - Terraire safrous - Pelouso sablouso - Mar
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Vulpia membranacea (L.) Dumort., 1824

Azola

Azolla filiculoides

Salviniaceae

Nom en français : Azolla fausse filicule.

Descripcioun :
Aquesto pichoto planto que trachis de coumpagno emé li lentiho d'aigo, es un pichot féuse que nous vèn de l'Americo dóu miejour. Creis peréu sus li limas gourga d'aigo. Se recounèis à si foundo ramificado, dicoutoumico que dounon d'èr i fueio de tuia.

Usanço :
D'estùdi soun facho pèr vèire coume poudrié fissa l'azote d'aigo.